mankomunitatea

Datorren astelehenean, otsailaren 10ean, zabalduko ditu berriro Tolosaldeko Mankomunitateak San Blas Garbiguneko ateak, egokitzapen obrak egin eta gero. Hori horrela, Andoaingo garbigunea ohiko ordutegira itzuliko da.

Ohiko bilketa zerbitzuetan jasotzen ez diren zenbait hondakin eraman daitezke garbigunera. Bertan, gaika sailkatzen dira dagokion edukiontzian, eta ondoren baimendutako kudeatzaileen bitartez birziklatu edota balorizatu egiten dira.

ZER ERAMAN DAITEKE?

1) Kimaketa eta lorezaintzako hondakinak: belarra, hostoak, adarrak (gehienez 15 cm-ko diametrokoak).

2) Etxebizitzetako obra txikietako obra-hondakinak (uralita eta fibrozementuzko osagairik gabe)

3) Sofa, koltxoiak, somierrak, toldoak

4) Plastiko gogorra: fruta kaxak, lorontziak, jostailuak, pertsianak, hamakak, palanganak eta antzekoak.

5) Plastiko filma: bilgarrietarako erabiltzen den plastikoa.

6) Egurra: egurrezko altzariak (armairuak, aulkiak, mahaiak,…), ateak, lehioak, paletak, kajak,…

7) Kartoia: kartoizko kajak eta bilgarriak.

8) Burnikiak: aulkiak, fregaderoak, griferia, zartagiak, kubiertoak,…

9) Aparatu elektriko eta elektroniko haundiak: hozgailuak, garbigailuak, estufak, labeak, aire egokituaren aparatuak,…

10) Aparatu elektriko eta elektroniko txikiak: xurgagailuak, mikrouhin-labeak, plantxak, txigorgailuak, frijigailuak, kafe-makinak, ile-lehorgailuak, josteko makinak, irratiak, bideokamerak, soinu-ekipoak, bideo-ekipoak, musika-tresnak, etab.

11) Telebista, monitore eta pantailak

12) Autoetako gurpilak

13) Etxeko hondakin bereziak: pinturak, motorreko olioa, pilak, erradiografiak, aerosolak, toner kartutxoak, etab.

ERABILTZAILEAK ETA MUGAK

– Tolosaldeko Mankomunitatea osatzen duten udalerrietako herritarrak, komertzioak eta gremioak izan daitezke erabiltzaileak.

– Erabilera mugak astean 2m3 edota 750 kilo bitartekoak dira, erabiltzaile bakoitzeko.

– Obra hondakinak uzteko obra-baimena agiria eraman behar da.

TOLOSALDEKO MANKOMUNITATEKO GARBIGUNEEN ORDUTEGIA

– SAN BLAS GARBIGUNEA (San Blas auzoa 9B – TOLOSA)

▪ Astelehenetik ostiralera: 9:00-14:00 / 15:00-17:30
▪Larunbatetan: 9:00-13:30

– ANDOAINGO GARBIGUNEA (Aranaztegi industrigunea – ANDOAIN)

▪ Astelehenetik ostiralera: 9:00-12:30 / 16:00-19:00
▪ Larunbatetan: 9:00-13:30

Alegian, 2025eko otsailaren 4ean

• IKAZTEGIETA: abenduak 24 eta 31ean EZ DA ORGANIKOAREN BILKETA ZERBITZUA EGONGO. Horren ordez abenduak 25 eta urtarrilak 1ean jasoko da, iluntzeko 22:00tatik aurrera.
• ANOETA eta ZIZURKIL: abenduak 25 eta urtarrilak 1ean EZ DA ERREFUSAREN BILKETA ZERBITZUA EGONGO. Horren ordez abenduak 26 eta urtarrilak 2an jasoko da, 8:00tatik aurrera
• ANDOAIN eta VILLABONAKO KOMERTZIOAK: abenduaren 25 eta urtarrilaren 1eko ORGANIKOAREN BILKETA PERTSONALIZATUA EZ DA EGINGO.
• TOLOSA TRASTE ZAHARRAK: abenduaren 24 eta 31ean EZIN DIRA TRASTE ZAHARRAK ATERA. Egun horietan izan beharrean altzariak abenduaren 25 eta urtarrilaren 1ean atera behar dira 20:00-22:00 ordutegian.

Tolosaldeko Mankomunitatea hondakin arriskutsuen bilketarako etxolak berritzen hasiko da. Datorren astetik aurrera, eta hilabete batez, Ibarrako San Inazio auzoko eta Alegiko Kultur Etxearen ondoko etxolak erretiratu egingo dira beharrezkoak diren mantenu eta konponketa lanak egiteko.

 

Hurrengo hilabeteetan, mankomunitateko beste 8 herritan (Tolosa, Andoain, Villabona, Anoeta, Asteasu, Irura, Zizurkil eta Berastegi) kokatuak daudenak konpontzen hasiko da ere. Etxola hauek etxeetan sortutako hondakin bereziak biltzeko erabiltzen dira, hala nola, tonerrak, pinturak, autoetako bateriak, pilak, fluoreszenteak eta aparatu elektriko eta elektroniko txikiak,…

 

Berritze lanak irauten duten bitartean hondakin arriskutsuak Andoaingo Garbigunera edota Mankomunitateak beste herritan ezarrita dituen etxoletara eraman daitezke.

 

Alegian, 2024ko maiatzaren 10

 

Kartela garbigunea-1

Tolosako San Blas Garbigunean egingo diren egokitzapen-lanak direla eta, apirilaren 15etik aurrera, astelehena, itxita egongo da aldi baterako. Lanek 4 eta 6 hilabete arteko iraupena izango dutela aurreikusten da.

Instalazio alternatiboa (Andoaingo Garbigunea)

Tolosaldeko Mankomunitateko 28 udalerrietako erabiltzaile guztiek, hondakinen bat utzi behar badute, Andoaingo Garbigunean egin ahal izango dute. Garbigune horrek, obrek dirauten bitartean, jendeari irekitzeko ordutegia luzatuko du.

Tolosaldeko Mankomunitateak kudeatzen duen Andoaingo garbigunea Aranaztegi industriguneko 1 zenbakian dago, eta ordutegia honako hau izango da:

– Astelehenetik ostiralera: 09:00-14:00 eta 15:00-19: 00

– Larunbatetan eta abuztuan: 09:00-13:30

Andoaingo garbigunean utz daitezke herritarrek, saltokiek eta eraikuntzako gremio txikiek sortutako hondakinak. Erabiltzaile bakoitzak 750 kg eta 2m³-ko gehieneko bolumena garraia dezake astean.

Hondakin onargarriak

• Sailkatutako eraikuntza- eta eraispen-hondakinak
• Kartoia
• Zura
• Txatarra
• Plastikoak
• Inausketa eta lorezaintzako hondakinak
• Tamaina handikoak
• Etxetresna elektrikoak
• Arropa, ehunak eta osagarriak
• Gurpilak (partikularrenak bakarrik)
• Etxeko hondakin arriskutsuak: pinturak, pilak, fluoreszenteak, bateriak, tonerrak, aerosolak…

San Blas Garbiguneko obren xehetasuna

Egingo diren obretan, estalpeko gune bat prestatuko da tresna elektriko eta elektronikoen hondakinak biltzeko, bai eta instalazioa hobetzeko eta egokitzeko obrak ere (saneamendua, seinaleztapena, edukiontzi berriak…).

Obraren kostua 427.503,09 €-koa da, eta Europar Batasunak finantzatutako Berreskuratze, Eraldaketa eta Erresilientzia Planaren – NextGenerationEU – esparruan gauzatuko da.

Alegian, 2024ko apirilaren 12an.

ALEGIA ETA IKAZTEGIETA

Gabonetako jaiak direla eta, hondakinak biltzeko egutegia aldatu egiten da:
– Abenduaren 24an eta 31n, larunbatak, EZ DA ERREFUSAREN BILKETARIK EGINGO.
– Abenduaren 25ean eta urtarrilaren 1ean, igandeak: ORGANIKOA ETA ERREFUSA BILDUKO DIRA, ohiko ordutegian.

Beraz, abenduaren 24an eta 31n ez dira kubo grisak atera behar, eta abenduaren 25ean eta urtarrilaren 1ean kubo grisak eta marroiak aldi berean aterako dira. Biltzeko bi ekipok bereizita jasoko dituzte.

Informazio gehiago 943676216 telefonoan.

• Beirazko ontziak birziklatzearen inguruko sentsibilizazio-ekintzak indartuko ditu kanpainak, ostalaritza-establezimenduei zuzenduta, udalerrietan bildutako beira-kopurua handitzea helburu izanik.

Tolosaldeko Mankomunitateak beirazko ontziak birziklatzea sustatzeko kanpaina berria abiaraziko du maitzaren 24tik aurrera Alegia, Tolosa, Ibarra, Anoeta, Irura, Villabona, Zizurkil eta Andoaingo ostalaritza-establezimenduetan.

Kanpaina berriaren helburua Mankomunitatean gaika bildutako beira-ontzien kopurua handitzea da eta edukiontzietan jasotzen den material inpropio kopurua ahalik eta txikiena izatea, kalitatezko sailkapena eta birziklapena egiteko. Horretarako landa-lana egitea aurreikusi da, hau da ostalaritzara bisitak. Beirazko ontzien birziklatzeari buruzko argibide gehiago emanez eta birziklatzeak Tolosaldeko Mankomunitateari dakarzkion ingurumen-onurei buruzko sentsibilizazioa bultzatuz.

Horrela, maiatzaren 24tik ekainaren 14 bitartean, langile kualifikatuak hurbilduko dira establezimenduetara. Lehen fasean, argibideak eman eta beharrizanak antzemango dira; establezimendu bakoitzak sortutako hondakin-bolumenaren arabera, edukiera handiagoko ala txikiagoko ontziak banatuko zaizkie ostalariei (behar izanez gero), beirazko hondakinak birzikla ditzaten, eta, oro har, birziklatzeko erraztasunak emango zaizkie. Arrazoizko epe bat igarota, langileak establezimenduetara joango dira berriro, bereizketa behar bezala egiten ari direla ziurtatzeko.

Tolosaldeko Mankomunitateak nabarmendu du oso garrantzitsua dela ostalarien lankidetza, gaika bildutako beira-kopuruak gora egiten jarrai dezan. Izan ere, ostalaritzan sortzen da erabilera bakarreko beira-hondakinen % 50, eta, beraz, ostalaritza funtsezko sektorea da birziklatze-helburuak lortzeko: alor horretan egindako edozein aurrerapenak hobekuntza esanguratsua ekarriko du, klima-aldaketaren aurkako borrokan.

 

Tolosaldeko mankomunitateak, Hondakin organikoen bilketa bereiziaren apustuan, aurrera pauso bat emateko abian da. Villabona eta Tolosako merkataritzari, ostalaritzari, ikastetxeei, zahar egoitzei eta azken finean hondakin organikoa kopuru handietan sortzaile diren establezimenduei, laguntza berezia eskainiko die: hondakin organikoa establezimenduaren atarian bilduko duen zerbitzu berezia.

Maiatzaren 5 ean martxan jarriko den kanpaina baten bidez ahalik eta atxikimendu gehienak jaso nahi dira lau astetan zehar, eta horretarako hezitzaile pare baten bisitak jasoko dituzte bi herri hauetako establezimenduek. Era berean mankomunitateko web orrian, https://tolosaldekomankomunitatea.eus/ zalantzak argitzeko, eskaera egiteko eta informazio gehiago jasotzeko atala izango da prest.

Beste udalerri batzuetan egiten den moduan, sistema honek, erosotasuna eskainiko dio erabiltzaileari, Mankomunitateak doanik banatuko baitizkio bere beharren araberako kubo tamaina eta poltsa konpostagarriak eta hondakinen poltsa, asteko 3 egunetan goizeko 9:30etan jasoko baitzaio establezimenduko atarian. Bisitatuko diren establezimenduetan triptiko bat banatuko da, non herri bakoitzerako bilketa egunak adierazteaz gain, organikora bota daitekeenaren informazioa eta hondakinak horrela biltzeak suposatzen dituen onurak aipatuko diren.

Organikoa behar bezala banatu eta biltzearekin gainera, birziklatzen ez den hondakin kopurua gutxituko dugu, horrek gure ingurumenean eta baita ekonomian ere suposatzen duen abantailarekin. Egun batez fruta azalak, kafe -hondarrak edo lore xorta zimelak izan zirenak, konpost moduan bueltatuko dizkiogu lurrari produktuak ekoizteko behar dituen ongarri gisa. Ekonomia zirkularraren aldeko keinu errazenetako bat.

 

*Atxikituta banatuko den esku-orria eta programan sartzen diren establezimenduei banatuko zaien adierazgarria

ESKU-ORRIA

 

Martxoaren 1etik aurrera, Anoeta eta Zizurkilgo atez ateko bilketan aldaketak izango dira. Orain arte, bilketa gauez egiten zen, baina hemendik aurrera bilketa hau goizez egingo da. Hori dela eta, kuboak kalera atera beharko dira goizeko 8:00etarako.

Bilketa egunak ere aldatu egingo dira. Horrela, hemendik aurrera errefusa asteazkenetan jasoko da. Sortzaile berezien kasuan, larunbatetan ere bilketa berezia izango dute.

Honetaz aparte,  bolumen handiko hondakinak biltzeko eguna ere aldatuko da. Hemendik aurrera ostegunero atera beharko dira 20:00etatik 22:00etara, aldez aurretik 943 67 62 16 telefonoan abisatuta. Hondakin hauek  edukiontziaren ondoan utzi beharko dira.

Hauek dira kontuan hartu beharreko aldaketak:

– Hondakin organikoak astearte, ostiral eta igande goizetan bilduko dira.
– Kuboak ateratzeko ordutegia aurreko eguneko 20:00etatik 08:00etara da.
– Errefusa asteazkenetan jasoko da. (Sortzaile bereziek  bilketa berezia larunbatetan)

 

“>Anoeta aldaketak

“>Zizurkil aldaketak