(1).jpg)
Hasi gara atez ateko bilketarekin Anoeta, Irura, Alegia eta Zizurkilen
Pozik gaude, hainbat hilabetetako lanaren ondoren, azkenean atez ateko bilketarekin hasi baikara Anoeta, Alegia, Irura eta Zzirukilen. Atzokoa, egun handia izan zen. Orain arte, %25 inguru birziklatzen genuen gure etxeetan, eta hemendik aurrera, sistema berri honekin, %80 inguru birziklatzea izango da helburua. Eta emaitza hau noski, herritarren ahaleginari esker izango da.
Birziklatzearen inguruan ezin da izan intsumiso eta horregatik, orain arte herritarrek izandako parte hartze aktiboa eskertu eta berarekin jarraitzeko eskatzen diegu.
Atez atekoaren aldeko hautua egin dute herri hauek, birziklapenaren alde gaudelako, eta herritarrengan sinesten dugulako. Ohitura aldaketak zailak izaten dira beti hasieran, baina emaitzak azkar ikusiko ditugu eta guztion artean, eskualde jasangarriago bat egingo dugu ziur. Hasierako egunak, guztiontzat izango dira berriak, bai bilketako langileentzat eta baita herritarrontzat ere. Beraz, denok beharko dugu pazientzia pixka bat.
Aro berri bati ekin diote eskualdeko 4 herri hauek eta horregatik, Tolosaldeko Mankomunitateak eskerrak eman nahi dizkie atez ateko bilketarekin hasi diren Zizurkil, Anoeta, Irura eta Alegiako udal eta herritarrei. Herri hauek egingo duten aurrerapausoarekin, birziklapen datuak iraultzeko bidean izugarrizko pausoa ematera baikoaz eskualdean.
Pozgarria da oso, ederra izango baita eskualdearen etorkizunean egingo dugun aldea. Harrotasunez diogu Zero zabor eskualdea geroz eta gertuago dugula, eta hori, herritarrei esker izango da.
Izan ere, Tolosaldean lehen aldiz ekingo zaio materia organikoaren bilketari. Herri asko dira organikoa konpostajearen bidez kudeatzen dutenak, baina gure hondakinen %40 den organikoa zabortegietatik atera eta beharrezko tratamendura eramatea, aurrerapauso handia da.
Eskualdearentzat aurrerapauso handia izango dela esaten dugu, lau herri hauen datuekin, birziklapen datuak iraultzera baigoaz. Horrela, herritarren ongizatea eta jasangarritasun ekonomikoa ere bermatze bidean.
Guztion artean, eskualdean alde ederra egingo dugu!
Tolosaldeko Mankomunitateak hartutako bidea eraginkorrena eta ekonomikoki bideragarriena da
Mankomunitateak bide «eraginkorra» hartu du from 28 Kanala on Vimeo.
Zero zabor eskualdea egiteko helburua du Mankomunitateak, eta horren gakoa, ahalik eta zabor gutxien sortzean dagoela azpimarratu dute. “Helburua, zabortegira ahalik eta hondakin gutxien eramatea da eta horretarako, hondakinak ongi sailkatzea da oinarria. Horrela, egungo ereduak mantentzen dituen zabortegietatik urrun egongo den eskenatokian kokatuz” adierazi du Eneko Maiozek.
Zero zabor bideari heldu diotela esan dute, ingurumenarekiko errespetua, oraingo eta etorkizuneko herritarren ongizatea, jasangarritasuna eta eredu merkeago baterantz kokatzek dutelako eskualde osoa.
Urteetan gaizki egin den kudeaketa ez arduratsuaren ondorioz, hainbat erabaki hartu behar izan dituztela azaldu du Maiozek.
Udalek orainarte Mankomunitateari ordaindu beharreko kuotak ez du izan igoerarik, nahiz eta aurrekontua igo. Ondorioz, remanentetik hartzen da 2009az geroztik herriek Mankomunitateari ordaindu beharrekoaren zati bat. Honekin, ulertu daitekeena da, herriak euren posibilitateen gainetik bizi izan direla. Mankomunitatearen helburua, hau aldatu eta Udal bakoitzak jasotzen duen zerbitzua bere osotasunean ordaintzea izango da.
Norabide aldaketaren beste zergaiti batk herritarrei eragin ekonomiko ahalik eta txikiena egitea ere bada; izan ere, ia udal guztientzat defizitarioa den zerbitzu baten aurrean gaude.
Azken lau urteetan herriei ez zaie inongo igoerarik ezarri Mankomunitatetik, eta herri bakoitzaren gastua kubrituko ez bada ere, herriek Mankomunitateari ordaindu beharreko kuotak %6 igoko dira. Hau ere, “orainarteko gestio desegokiaren ondorioa” dela argudiatu dute Mankomunitateko ordezkariek. Urte askoan zehar ez dira aplikatu igo beharreko kostuak, hala nola, GHK-koa, eta beraz, orain hau ere egin beharra dagokiela azaldu dute. “Igoera hau, ez da Mankomunitatearen gastuak igo direlako edo bestelako arrazoiengatik. Azaldu bezala, herriek orainarte ordaindu duten kuota ez da erreala izan, eta horrek Mankomunitatean eragin zuzena izan du; remanentean zein aurrekontuetan”.
Mankomunitatea autofinantzatu behar den erakunde bat dela adierazi dute, eta helburu horrekin, herriei orain esfortzu hau eskatzen zaiela, kudeaketa desegoki hau errotik aldatu dadin.
Argi adierazi dute remanenteak, inbertsioetarako izan behar duela eta ez herrien kuotak ordaintzeko, hori ez baita gestio egokia. Herriek asumitutako gastua baino zerbitzu garestiagoa jasotzen baitute.
Horrela adierazita Udalei euren kostuak igoko zaizkiela esaten ari direla badirudi ere, ez duela hala izan beharrik adierazi dute. Izan ere, Mankomunitateak hartu duen ibilbidearekin, organikoa ahal den neurrian herrietan kudeatuz, eta bestetik, gaika ongi sailkatu ondoren birziklatze datuen biderkatzearekin lortuko diren emaitzek, orain arteko sistema baina jasangarriago eta merkeagoa izatea ekarriko dute. Herritarrek ahalik eta gastu gutxiena asumitzea lortu behar da, eta hori, guztion ahaleginarekin lortu daitekeela nabarmendu dute.
Amaia Azkuek adierazi moduan, “Mankomunitateak hartutako bide hau, eraginkorrena eta ekonomikoki bideragarriena da. Sistemen gainetik kokatzen gara, helburua, ahalik eta gutxien sortu, berrerabili eta ahal den guztia birziklatzea da, horrek kudeaketa kostuetan zuzeneko eragina duelako”. Herrien izaeraren arabera, eredu bat edo beste bat eramango dute aurrera:
Begi bistan ditugu orainarte eskualdean egiten ari diren aurrerapausoen guneak: Orendain, lehen zero zabor herria izan zen, horren ondoren, Elduain eta Orexa ere batu zirelarik izendapen horretara. Hauen atzetik, Altzo, Amezketa eta Berastegi ere euren pausoak ematen ari dira euren materia organikoa herrian kudeatu eta errefusa kontrolatuz, birziklapen tasak ahalik eta altuenak izan daitezen.
Bestetik, atez ateko bilketaren aldeko apustua egin duten herriak ditugu Alegia, Irura, Anoeta, Zizurkil eta Amasa-Villabona. Aste gutxiren buruan, herri hauen ahaleginak bere fruituak ematen dituela ikusiko dugu ziur.
Azkenik, Mankomunitatearen ibilbidean oinarrizko bihurtu den Konpostaje kanpaina dugu. Lehen aipatutakoek eta Aduna eta Lizartza bezelako herriek duten konpostajearen plangintzak eskualdeko gainerako herrietara zabaldu behar direla esan du Azkuek.
Herri guzti hauek, Tolosaldeko Mankomunitatearekin batera ibilbide baten lehen pausoak ematen ari dira, eta ziur agertu dira herritarrentzat fruitua emango duten pausoak izango direla.
Aurrera begira, Tolosaldeko Mankomunitateak ibilbide berean eskualdeko mapan puntu berde gehiago markatzeko lanean jarraituko duela adierazi dute ordezkariek. Hala, Garbigune berri bat irekitzeko lanak amaitzen ari dira Andoainen. Garbiguneek, birziklapena sustatzea dute helburu; ohiko birziklapen zirkuituetatik kanpo geratzen diren hondakinak birziklatzeko beharrezko guneak dira, eta honekin, eskualdean bigarrena osatuko dute, Tolosako San Blas garbigunearekin batera. Garbigunearena, esan bezala, beste pauso bat izango da, birziklapena, berrerabilpena eta murrizketaren helburuak betetzeko bidean.
“Mankomunitateko kontuak orain arte ez bezala, gardentasunez eta arduraz” eramateko hartutako erabakien berri eman nahi izan dute, beti ere, herritarren interesak direlako benetan garrantzitsuenak. Herritarrei, konpromisoa eskatzen zaie aldi oro, hondakinen kudeaketan eurak direlako sujetu garrantzitsuenak, baina aldi berean, Tolosaldearentzako, herrientzako eta norbanakoentzat ere guztiok egiten ari garen ahalegina dela ikusi behar dugula azpimarratu dute.
Eskualdean dauden adibideekin ikusi ahal izan den moduan, guztien ahalegin txiki batekin, asko aurreratu daitekeela nabarmendu dute, eta horretara doazela adierazi.
Ekainaren 17an jarriko da martxan Alegia, Anoeta, Irura eta Zizurkilen hondakinen atez ateko bilketa sistema
Alegia, Anoeta, Irura eta Zizurkilek, gaurkoan, oraindela hilabete batzuk hasitako bidean beste pauso bat emango dute. Atez ateko bilketa martxan jartzearekin batera, euren herritarren ongizatean salto kualitatibo eder bat emango baitute.
Atez atekoa da birziklatzeko orduan arrakastarik handiena ematen duen sistema. Helburua zera dela dio Amaia Azkuek: Bilketa pertsonalizatu egoki baten bidez, eredu iraunkorragoa lortzea, beti ere, ingurumen irizpideak nahiz irizpide sozial, tekniko eta ekonomikoak lehenetsiz.
Mankomunitateko ordezkariak azaldu moduan, egun, Tolosaldeko herrietako birziklatze tasa %30aren bueltan badabil, 50 puntu inguruko aldea egitera doaz herri hauetan. Datuak iraultzeko garaia heldu dela ziurtatu du, eta urrats hori, herritarrei esker irmo bezain gogotsu emango dutela zihurtatu dute herriek..
Gipuzkoan jada 9 herri dira hondakinak atez ate biltzen dituztenak, eta honako herri hauek hastearekin, 13 izango gara dagoeneko eta etorkizunean, Villabonak bezalaxe, beste hainbat herrik ere hartuko dute herri hauek luzatzen dien lekukoa. Alegia, Anoeta, Irura, Zizurkil, Tolosaldea, ederragoa eta jasangarriagoa egitea dute helburu, eta denen artean, Gipuzkoa hobe, ederrago eta osasuntsuago
bat lortzeko nahia erakutsi dute.
Ekainaren 17tik aurrera hondakinak atez ate jasotzen hasiko dira lau herri hauetan. Frogatuta dagoelako gaikako bilketa %80etik gorako emaitzetara iristeko gai den sistema bakarra dela. Atez atekoak ohituretan aldaketaren bat ekarriko duela, baina adierazi dutenez, guztiengan erabateko konfiantza dute eta ziur daude, zailtasun handirik gabe, herritarrak sistema berrira moldatuko
direla. Atez Atekoa zuzen zuzenean benetan zer den egiaztatuko dela behingoz, eta aldaketa hau hoberako izango dela ziurtatu dute. Denen esfortzu txikiarekin, ondorengoei oraingoa baina mundu hobeagoa uzteko ekarpen txikia egingo dela azpimarratu dute.
Ingurumenarekiko errespetua, oraingo eta ondorengo herritarren ongizatea helburu izanda eta irizpide ekonomikoak oinarri hartuta, hondakinen kudeaketan aurrerapausoak ematen ari dira. Egin beharreko bidea hau dela ziur daudelako eta gaizki egiteko aukerak txikitu eta ongi egiten hasteko garaia
delako. Beraz, atez atekoari aukera bat emateko eskatu dute. Gainera, Amaia Azkuek azaldu duenez, hemendik 6 hilabetera, parte hartze prozesu baten bidez, emaitzak aztertu, herritarren asebetetzea ezagutu, eta beharrezko moldaketak egingo dituzte Udalek herritarrekin.
Tolosaldeko Mankomunitatetik argi dute herritarrekin eta herritarrentzat egin behar dela lurralde garbi, jasangarri eta iraunkorrak eraikitzeko bide hau. Honetarako, herritarrei dei egien die kubo sortak eta gidak jasotzera joateko.
Bilketa egiteko beharrezkoak diren edukiontzien banaketa egiten hasita daude dagoeneko: Alegian jada kuboen % 90 banatuta daude. Anoeta, Irura eta Zizurkilen asteburu honetan izango dira banaketa hitzorduak, eta seguru agertu dira, Alegian izandako arrakasta errepikatuko dela herri hauetan ere. Laur
herrien artean, 3000 etxebizitzetako kuboak banatuko dituzte.
Azkuek adierazi moduan, “guztion parte hartzea beharrezkoa da atez ateko ereduak funtziona dezan, eta ziur gaude, orain artean bezala, herritarren gehiengoak euren sostengua emango diola. Atez atekoari aukera bat ematea eskatzen dugu, ezagutu dezagun“.
Mahaitik konfiantza guztia erakutsi dute denen artean ederki egingo dela. Gogotsu eta ilusioz, guztion artean eskualde ederrago bat margotzeko deia luzatu dute.
Birziklapen bira honekin eta aurrerantzean emango diren pausoekin, Tolosaldeako birziklapen datuak irauliko ditugu
Amaiera, kanpainari bakarrik emango diogula diogu, lanean jarraituko baitugu bira honetan zabaltzen saiatu garen mezua geroz eta jende gehiagorengana iristeko.
Izan ere, eskualdea Zero zabor izateko bidean jarrita goaz, eta egiten ditugun ekintza guztiak horren inguruan kokatzen ditugu. Birziklapen birarena, beste pauso bat gehiago da eskualdean ematen ari garen asko bezala. Egindako eta egingo den guztia, Mankomunitate honek margotu nahi duen eskualdeko maparen osotasunean kokatzen dugu. Esan bezala, helburua, beti bera da, eta argi dugu zein den: ahalik eta hondakin gutxien sortzea, murriztea, berrerabiltzea eta ahal den guztia gaika
sailkatzea.
Helburu horiekin, eta batez ere birziklapenaren sentsibilizazioan oinarrituz, birziklapen bira egin dugu Tolosaldeko Mankomunitatea osatzen duten herrietan zehar. Guztira, 28 herri bisitatu ditugu Birziklapen gunea eta hitzaldi tailerren bidez, 8.500 herritarrenagana gure mezua helaraziz. Herriak bezala, ikastetxeak ere bisitatu ditugu hilabete honetan eta guztira, 20 ikastetxetako 1600 ikaslek
birziklapen gunean parte hartu dute. Ezin aipatu gabe utzi, guztira 7000 jogurt banatu ditugula, loretxoa landatzeko hazi-orriarekin batera.
Aipatu moduan, 20 ikastetxetako 1600 ikaslerekin egoteko aukera izan dugu eta hemendik eskertu nahi diegu, ikasturte amaiera izanik ere ikastetxeetatik jaso dugun harrera ona. Birziklatzea, heziketaren parte dela ikusi dugu eskualdeko ikastetxeetan, eta hori oso pozgarria da. Etorkizuneko Tolosaldearen giltzarri izango den belaunaldiak oso barneratuta du birziklatzearen garrantzia eta balore hori
ezinbestekoa da eskualdearen etorkizunarentzat.
Birziklapen gunearen bueltan eta hitzaldi-tailerretan topatu ditugun 8.500 herritarren erantzuna oso positiboa izan da. Gustoz hartu dituzte teknikari eta hezitzaileen azalpenak birziklapen gunean, eta ikusi denez, herritarrak birziklapenarekin geroz eta kontzientziatuagoak daude. Hitzaldi tailerrek ere
harrera oso ona izan dute, herritar asko bertaratu baita. Tailer hauen praktikotasunari esker, herritarrek eduki zitzaketen zalantzak argitzen saiatu gara.
Gerturatuek, esker hitzak izan dituzte aldi oro, eta poztekoa izan da herritarrek gauzak ongi egin eta beraz, hondakinak ongi sailkatzeko duten gogoa. Birziklapen bira honetan, herritarrek birziklapenaren inguruan duten kontzientziazio eta gogoarekin argi ikusi dugu Tolosaldea garbiago eta jasangarriago
bat egingo dugula denon artean. Tolosaldea hobeagoa.
Bira honetan, aipatu moduan, herritarrek birziklatzearen inguruan interes handia dutela ikusi dugu. Eta kanpainan zehar ikusitako beharrei eta eskaerei erantzunez, bira borobilduz, gida hauek banatuko ditugu etxez etxe datozen egunetan. Honela, gida eta eskuorri hauekin, birziklapen birak eskualdeko etxeetan bizirik jarraitzea lortu nahi dugu, birziklapenari denboran eutsiz.
Hondakinak murriztea, berrerabiltzea eta egoki sailkatzea, etxe barnean egin beharreko ekarpen txikiak dira. Eta zihur gaude, guztion artean, eskualdean ditugun birziklatze datuak iraultzea lortuko dugula. Gaur amaitzen dugun birziklapen bira honen bidez eta aurrerantzean ere emango diren pausoei esker, denon artean, Tolosaldean alde ederra egingo dugu.
Alegian gehiena banatuta, kubo banaketak asteburuan jaraituko du Anoeta, Irura eta Zizurkilen
Aurrez ere Udaletako ordezkariek azaldu dituzten moduan, atez ateko bilketa egitearen arrazoiak hauek dira:
-Hondakinen Bilketa Selektiboaren mailak maximizatu, birziklapen mailak ahalik eta altuenak izan daitezen.
-Errausgailuaren edo energia balorizaziorako planta ekidin, edo honen eraikuntzan zuzenean edo zeharka ez kolaboratzea.
-Gure herritarren, tolosaldeatarren eta gipuzkoarren osasuna babestea. -Ingurugiroa babesteko neurriak bultzatzea.
Frogatuta dagoenez gaikako bilketa %80etik gorako emaitzetara iristeko gai den sistema bakarra da atez atekoa. Arrazoi horrexegatik izan dute Udal hauek eta Mankomunitateak zenbateko hori helburutzat eta elkarlanean, hori lortzera goaz.
Alegian aurreko asteburuan ekin zioten lanari, eta dagoeneko 450 familiak jaso dituzte euren kubo sortak dira; hau da, kubo kopuru osoaren %75. Datozen egunetan, oraindik kuboak jasotzeko modurik izan ez duten herritarrek aukera izango dute horretarako. Hala, astearte goizean 10:00etatik 12:00etara eta asteazken arratsaldean 18:00etatik 20:00etara jarraituko du banaketak Frankoni etxean.
Datozen herrietan ere halako harrera izatea espero da, eta beraz, datorren asteburuan herritarrei dei egiten diegu, euren kubo sorta jasotzera.
Guztira 3000 kubo sorta banatuko dira lau herri hauetan eta etxebizitzetarako sortak 5 kubokoak izango dira Irura eta Alegian: bi kubo marroi (bat txikia eta aireztatua eta bestea handiagoa eta itxia), kubo gris bat, urdin bat eta kubo hori bat. Eta 4ko sortak Zizurkil eta Anoetan: bi kubo marroi (bat txikia eta aireztatua eta bestea handiagoa eta itxia), kubo gris bat eta kubo anbibalente urdin-hori bat.
Amasa-Villabonaren kasuan, herri handiagoa izanik, teknikoki konplexutasun gehiago izan ditu eta ekainaren amaieran egingo du kubo banaketa.
Anoeta:
Ostirala 7, 16:00 – 20:00
Larunbata 8, 10:00 – 14:00 / 16:00 – 20:00 Pilotalekuan
*Asteburuan kuboak jaso ez dituztenek astean zehar (ostiralarte) Udaletxean jasotzeko aukera izango dute 9:00etatik 14:00etara.
Irura: kultur etxean
Ostirala 7, 9:00 – 13:00 / 16:00 – 20:00
Larunbata 8, 10:00 – 14:00 / 16:00 – 20:00
*Asteburuan kuboak jaso ez dituztenek astean zehar (ostiralarte) kultur etxean jasotzeko aukera izango dute:Astelehena 9:30 – 13:30 / 16:00 – 20:00
Asteartea eta osteguna 16:00 – 20:00 Asteazkena eta ostirala 9:30 – 13:30
Kubo banaketak irauten duen bitartean, Udaletxeko informazio bulegoa banaketa egiten ari diren tokian egongo da (kultur etxean).
Zizurkil:
Herrigunea bitan egin dute banaketa lanak errazteko. Hurrengo bi tokietan egingo da banaketa: Aurrera Plaza eta Pedro Mari Otaño eskolan.
Ostirala 7, 16:00 – 20:00
Larunbata 8, 10:00 – 14:00 / 16:00 – 20:00
*Asteburuan kuboak jaso ez dituztenek astean zehar (ostiralarte) Aurrera plazan jasotzeko aukera izango dute 15:00etatik 19:00etara.
Informazio bulegoa kubo banaketa egiten ari diren tokian egongo da, eta ez Atxulondon.
Banaketari buruzko oharrak:
– Komertzio, jatetxe eta edaritegien kasuan, edukiontzien banaketa pertsonalizatua egingo da, bertara joanez.
– Landa eremuan bizi diren biztanleei, euren hondakinak eramateko ekarpen guneetarako txartel elektronikoak aurrerago banatuko zaizkie; Udala jarriko da harremanetan eurekin.
Birziklapen birak bide erdia beteta, geroz eta herritar gehiagorengana iristen jarraituko du
Anoetan hasi genuen bira honek, dagoeneko 18 herri bisitatu ditu eta 14 ikastetxerekin egoteko aukera izan du. Hasieran markatutako helburuak betetzen ari da bira, izan ere, herritarrei birziklatzearen garrantzia helaraztea eta herritarrak izan ditzaketen zalantzak argitzen ari da bisita hauetan.
Birziklapen gunean herritar asko izan dira bertako informazioa jasotzen eta ikastetxeetako bisitak ere gune honen bidez egin dira. Ia 800 ikasleren bixita jaso du birziklapen guneak eta oraindik ere beste hainbeste ikaslerekin birziklapenaren gaia lantzeko tartea izango dugu.
Gerturatutako herritarrek gustoz hartu dute bertan emandako informazioa, eta guztiek ere orain arte jakin gabeko gauza asko ikasi dituztela onartu dute. Gainera, bisitaren esperientzia ahaztezin egiteko banatzen diren jogurt, hazi eta ongarriarekin guztiek irribarretsu ematen dute agurra.
Hilabete gutxiren buruan, Tolosaldeko etxeetan zurekin alde ederra adierazi nahiko duten loratxoak jaioko dira. Iluntzeetan herriz herri egiten ari diren hitzaldi-tailerretan ere partehartze nabaria izaten ari da birziklapen bira.
Hala, hona bertaratutakoek ere tailerraren amaieran asko ikasi dutela esaten dute, eta giro atseginean ikastea bezalakorik ez dagoenez, oraindik ere beste herrietan egingo diren hitzalditailerretara gonbita luzatzen du Mankomunitateak. Horrela bada, pozez esaten dugu, 4000 herritar baina gehiagorengana iritsi garela orain artean.
Birziklatzearen inguruko mitoak ezabatu, zalantzak argitu eta ikasteko aukera paregabea da birziklapen bira hau eta hurrena datozen herrietako biztanleei ere dei egiten diegu bertara gerturatzeko.
Birziklatzera dei eginez, birziklapen bira eskualdean
Tolosaldeko mankomunitateak, zero zabor norabideari eutsi zion eta bide
horretan ari da lanean. Ahalik eta hondakin gutxiena sortzea eta sortzen dena
ondo sailkatua izatea da filosofia honen helburua, eta beraz baita
mankomunitatearena ere.
Zero zabor lurralde izateko bide horretan, hiru dira oinarrizko pausoak:
Hondakinak ahalik eta gehien murriztea, berrerabiltzea eta ongi sailkatu
ondoren, birziklatzea. Azken hau da, gaurkoan hona ekarri gaituen arrazoia.
Tolosaldeko mankomunitateak helburu nagusi gisa birziklatzea jartzen baitu.
Gaur egun, hondakinen kudeaketan dagoen soluzio argiena da birziklapena
ahalik eta kopuru altuenetara eramatea.
Eskualdeko etxeetan %25 inguru bakarrik birziklatzen da zoritxarrez, eta hori
irauli eta bide egokian jartzera dator honako kanpaina hau. Europatik datorren
legeak ere hala dio: 2014 urterako, zabortegiak itxi behar dira eta 2016rako
hondakinen %60 birziklatu behar da.
Mankomunitatearen izenean, Amaia Azkuek adierazi duenez, “ez da erronka
makala izango, baina denon artean lortuko dugu”.
Tolosaldeko mankomunitateak birziklapena bultzatzen du, “arrazoi ekonomiko
eta ingurugiroaren errespetuaz gain, gure ondorengo belaunaldiei utziko diegun
munduak arduratzen gaituelako” .
Herritarrak arazoaren jabe egin daitezen eta benetan birziklapenaren
garrantziaz ohartzeko ekin zaio gaur birziklapen bira honi. Gaika sailkatzea,
etxe barruan egin beharreko lana da eta beraz, herritar guztien ardura.
Egunerokoan egiten diren aldaketa txikiek, pauso handiak markatzen dituzte
eta honek ere hala izan behar du.
Mankomunitateko ordezkariak esan bezala, “Mundu garbiago eta juxtuago
batean bizitzeko aukera dugu birziklapenaren bidez, beraz, dudarik egin gabe
birziklatu dezagun!”
Birziklapen bira honen nondik norakoak azaltzeko, Mankomunitateko teknikari
den Gemma Eceizak hartu du hitza. Kanpainaren helburua, “eskualdeko
etxeetan gaika sailkatzen den kopuru hori handitzea” dela adierazi du berak.
Bira honetan, birziklatzearen garrantzia eta ez birziklatzearen kaltea zabaldu
nahi du mankomunitateak, berau osatzen duten 28 herrietan zehar. Eceizak
azaldu moduan, “birziklatzearen inguruko kezka, beldur edo zalantzak denok
izan ditzakegu. Eta horregatik, datozen egun hauetan guztion artean gaika ongi
sailkatzen ikasiko dugu eta kezka guztiak baztertuko ditugu”.
Eskualdeko herri guztietara iritsiko den birziklapen bira honetan, informazio
guztiarekin erakusketa bat ibiliko da herriak bisitatzen. Herriko plazetan,
herritarrei irekita egongo da eta ikastetxeetako ikasleen bixitak ere jasoko ditu.
Bestetik, iluntzeetan herrietako teknikariek emango dituzten tailerrak ere
izango dira.
Biran, birziklatzearen inguruko hainbat informazio banatuko da, hezitzaile eta
teknikarien azalpenak jasotzeko aukera izango da eta berrerabilpenarekin
erlazionatutako opari bat ere banatuko da. Izan ere, jogurtak, lore haziak eta
ongarria banatuko dira, horrela, jogurt poto bat lore bat landatzeko berrerabiliz.
Gemma Eceizak azaldu duenez, birziklatzera animatzeko bira honetan ez daude
bakarrik. Izan ere, Pello Zabala, Nerea Alias eta Iker Karrera eskualdeko
pertsonaiak ere euren atxikimendua erakutsi dute, eta mezua zabaltzen
lagunduko diote Tolosaldeko Mankomunitateari.
Herritarrei, birziklapen bira euren herrietara iristen denean parte hartzera dei
egin die mankomunitatetik eta ikastera eta birziklatzera animatu dituzte
herritarrak.
Primeros resultados del compostaje colectivo en Aduna
15 familias de Aduna gestionan desde septiembre de una manera diferente los residuos orgánicos que generan en sus hogares. Durante estos 6 meses han aprendido todo el proceso del compostaje y el pasado jueves 18 de abril, tuvieron la oportunidad de conocer también el ultimo paso del proceso, los resultados que genera: fertilizante de calidad.
Desde que se les dio a estas familias la oportunidad de participar en el compostaje colectivo, los residuos de cada una de ellas se han reducido un 40-50%. Antes, todo el material orgánico acababa en el vertedero; ahora, el fertilizante generado mediante el compostaje se utilizará en los jardines del pueblo y el que esté interesado también podrá cogerlo para uso personal.
Aduna fue el primer pueblo de la Mankomunidad en probar el compostaje colectivo, pero el sistema se ha extendido también a otros pueblos. Desde la Mankomunidad, decimos con orgullo que estos pasos son necesarios para poder llegar a ser un territorio libre de basuras. Con la voluntad de los ciudadanos se pueden conseguir grandes cambios.
Si algún vecino de la Mancomunidad de Tolosaldea está interesado en el auto-compostaje o el compostaje colectivo, encontrará toda la información necesaria en la página web konpostatu.tolosaldekomankomunitatea.eus o puede conseguirla mediante la Mancomunidad o el Ayuntamiento de su pueblo.
Gizarteratze prozesu jendetsuak atez atekoa martxan jarriko den herrietan
Gizarteratze prozesu honetan, atez ateko bilketa eredua aukeratzearen arrazoiak azaldu dira; hala nola, ingurumenean duen garrantzia, etorkizunean zabortegiek orain arteko sistemekin jarraituz gero izango luketen eragina, egun Udalentzat defizitarioa den eredu honekin jarraitzeak suposatzen duena, baita hondakinak ongi sailkatu ezkero ekarriko lukeen onura bai ekonomiko eta baita ingurumenekoa ere, etab. Arrazoien ondoren, atez ateko bilketa ereduaren azalpenak eman dira eta amaitzeko, herritarren txanda izan da, euren kezka eta zalantzak argitzeko.
Bileretan izandako herritarren parte hartzeaz oso balorazio positiboa egiten da, herritarrek informatzeko nahia eta hondakinen gaiarekiko ardura erakutsi baitute.
Eredu berriak funtzionatzeko, herritarren parte hartzea eta inplikazioa behar dira eta hori ere argi ikusi da informazio bilera hauetan ere. Herritarrak birziklatzera bultzatzen ditu sistema honek, eta bileretan herritarrekin ondorioztatu den bezala, guztiok nahi dugu gehiago birziklatzea.
Herritarrek, eredu berriarekin euren kezka eta zalantzak argitzeko balio izan dute bilera hauek. Aspektu tekniko eta ekonomikoen azalpenak eman dira bileretan eta herritarrek, zein aldaketa suposatuko dien ere ikusi ahal izan dute. Oro har, herritarren partetik bilketa eredu berriarekiko ardura eta konpromisoa azpimarratzen dira. Alde eta aurkako ideiak egon badaude, baina herritarrak egungo egoerak suposatzen duen erronkari eutsi nahi diote, egungo eredua aldatu beharra baitago.
Herritarrek eduki dezaketen informazio faltagatik, atez ateko ereduaren inguruan herriz herri hainbat kezka errepikatu direnez, Mankomunitatetik, eta Udaletatik azpimarratu nahi da, alde batetik, ez dela multarik jarriko sailkapena gaizki egiten bada eta ondo egin ahal izateko bitarteko guztiak jarriko direla. Bestetik, arlo ekonomikoak ere kezkak sortzen ditu; esan behar da, atez ateko sistema merkeena delako jarri nahi dela. Egun Udalek hondakinen inguruan duten zama ekonomikoa murrizteko, bere bilketa emaitza onengatik, ezagutzen den sistemarik eraginkorrena eta sostengarriena delako aukeratu da atez ateko bilketa eredua.
Bileretan oro har, herritarrek gustura egon direla eta emandako informazioarekin asetu direla esan dute. Informazio guztia mahai gainean jartzearekin, herritarrek zituzten kezkak uxatu dira. Saioek aurrera egin ahala giroa baretzen joan dela ikusi izan da bileretan eta herritarren kezka eta ardurek erantzuna izan dute beti eta hori herritarrek oso ondo baloratu dute. Beraz, herritarrek bileren balorazio positiboa egiten duten moduan, Udalek eta Mankomunitateak ere hala egiten dute.
Gizarteratze Prozesua behin amaituta, bilera horietara joaterik izan ez dutenentzat eta informazio gehiago nahi dutenentzat informazio bulegoak ireki dira herritarrentzat. Bertan, herrien azterketak egiten aritu diren taldeko hezitzaileak egongo dira, beharrezko azalpenak emateko.