Tolosaldeko Mankomunitatea 6 “minigarbigune” jartzen hasi da hondakinen bilketa errazteko

Lehen jarduketa honetan landa-eremuko 6 udalerrietan instalatuko dira, udalerri bakoitzean minigarbigune bat.

Aste honetan 6 minigarbiguneak jarriko dira Aduna, Amezketa, Altzo, Berrobi, Ikaztegieta eta Lizartzan. Minigarbigune horietan hondakin espezifikoak bota ahal izango dira, Tolosan eta Andoainen herritarrei zerbitzua ematen dieten 2 garbiguneetako edozeinetara joan beharrik gabe.

Tolosaldeko Mankomunitateak bultzatzen du ekimen hau eta Gipuzkoako Foru Aldundiko Iraunkortasun Departamentuaren laguntza du. Zerbitzu berri honekin, udalerri horietako herritarren irisgarritasuna hobetzen da 10 hondakin mota botatzeko, zabor orokorrean buka ez daitezen edo bide publikoan utz ez daitezen, eta, gainera, hondakinen gaikako bilketa-tasak hobetzea bilatzen da, ondoren birziklatzea errazteko.

Zer hondakin bota daitezke?

Minigarbiguneetan zer hondakin mota utzi ahal izango diren argiago izateko, informazio-liburuxkak inprimatu dira, eta jarriko diren 6 udalerrietako etxe guztietara helaraziko dira. Oro har, 10 mota hauetan taldekatzen dira:

• Informatika- eta telekomunikazio-aparatuak.
• Aparatu elektriko eta elektroniko txikiak.
• Brotxak eta rodilloak.
• Tinta- eta toner-kartutxoak.
• Kazolak, zartaginak eta mahai-tresnak.
• Pilak.
• Pinturak, barnizak eta disolbatzaileak.

Tolosaldeko Mankomunitatetik pertsona guztiak animatzen ditugu zerbitzu berri hau zuzen erabiltzera, ingurumena babesten eta gure ingurunea zaintzen laguntzeko. Gogoratu behar da erreferentziazko bi garbiguneen zerbitzuak indarrean jarraitzen dutela minigarbiguneetako ahoetan sartu ezin diren hondakin guztiak biltzeko.

Deskargatu pdf-a

Minigarbiguneen kokapenak

Udalerria	Kokapena
Aduna	Eliza ondoan
Altzo	Herriko aparkalekuan
Amezketa	Zubeldianeko eremuan
Berrobi	Ikastetxe ondoan
Ikaztegieta	Udaletxe ondoan
Lizartza	Txirrita Gudarien plaza

 

Eskerrik asko zuen laguntzagatik!